"The boy you trained, gone he is... Consumed by Darth Vader..."

Haukurinn varð að deila þessari mynd með lesendum sínum. Hún er eitthvað svo yndislega 'sillý'. Njótið heil.

"There's not enough silliness in the world.Eurovision helps to keep it balanced."

Haukurinn vildi eingöngu fagna þessu framtaki bresku kvikmyndagerðarmannanna og benda lesendum á snilldargrein Times varðandi Eurovision pólitík.

Það væri eflaust verðugt rannsóknarefni fyrir upprennandi stjórnmálafræðinga, mannfræðinga, o.sv.frv. að rannsaka tengsl evrópsku söngvakeppninnar við breytingar í stjórnmálalegu umhverfi Evrópusambandsins.

Haukurinn verður þó að viðurkenna, að hann er allskostar ófróður um þátttakendur keppninnar í ár sem og framlög þeirra. Við skulum vona að hann nái að fræðast betur um málin í kvöld og á laugardag.

Evróvisjón grínmynd

"He ain't heavy, he's my brother....."

"Þær hafi ekki vitað um fíkniefnin í töskunum".

Tóku þær engan veginn eftir 22,5 kílóa aukavikt í nýkeyptu töskunum?

Haukurinn ætlar að leyfa sér að efast um það.

Þrjár norskar konur grunaðar um stórfellt fíkniefnasmygl í Bólivíu

"His armband proved he was a red - Torres, Torres. You'll never walk alone it said - Torres, Torres. We bought the lad from sunny Spain. He gets the ball he scores again, Fer-nan-do Torres Liverpool's number 9."

Haukurinn verður að viðurkenna að hann hafði sínar efasemdir í upphafi þegar Benitez festi kaup á þessum kappa. Í fyrsta lagi hafa spánskir framherjar löngum átt erfitt uppdráttar í ensku deildinni - hér mætti til dæmis nefna Fernando Morientes, í öðru lagi þá virkaði drengurinn svolítið viðkvæmur og ungur og í þriðja lagi þá hafði hann aldrei verið meðal markahæstu mann í spænsku deildinni.

 

Haukurinn sættir sig glaður við það að hafa haft algerlega rangt fyrir sér að öllu leyti. Torres leynir á sér að öllu leyti, því undir drengslegu yfirbragðinu leynist líkamlega sterkur, snöggur og markviss framherji af allra bestu gerð. Hann hefur farið mikinn í ensku deildinni, eftir að hafa verið íþyngdur af stöðu sinni hjá Atletico Madrid - þar sem hann var 'Maðurinn' sem leitað var til við hvert tækifæri og ætlast var til að reddaði málunum, s.s. svolítið líkt og Gerrard síðustu tímabil. Hann var m.a. gerður að fyrirliða liðsins aðeins 19 ára að aldri og segir það margt um stöðu hans í liðinu.

 

Svo virðist sem breytt umhverfi og meira athafnafrelsi hafi gert 'Drengnum' gott og vonar Haukurinn að hann haldi áfram og bæti við sig fjöðrum í framtíðinni. 

Torres bestu kaup ársins